Sonuncu Peyğəmbərin (s) karikaturalarını çəkən isveçli rəssam Lars Vilks maşınında yanaraq kül olub.

Maide.Az xəbər verir ki, Vilks və onun iki polis mühafizəçisinin olduğu avtomobil bazar günü İsveçin cənubunda Krunoberq əyalətinin Markarid kəndi yaxınlığındakı E4 magistralında yük maşını ilə toqquşub. Toqquşma zamanı zərbənin gücündən hər iki avtomobil alışaraq yanıb. 75 yaşlı Vilkslə yanaşı onun mühafizəçiləri də ölüb, yük avtomobilinin sürücüsü isə ciddi xəsarət alıb.

Qeyd edək ki, Vilksin Peyğəmbəri-Əkrəm (s) haqqında çəkdiyi karikatura 2007-ci ildə İsveçin “Nerikes Allehanda” qəzetində dərc edilmişdi. Bu fakt həm İsveçdə, həm də bütün dünyada həm müsəlmanların, həm də normal düşüncəli digər dini əqidə sahiblərinin qəzəbinə səbəb olmuşdu. O vaxtdan bəri Vilks polis mühafizəsi altında yaşayırdı.